ပိတ်ပစ် ခံလိုက်ရသည့် Google ပိုင် နာမည်ကြီး Video Sharing ၀က်ဘ်ဆိုက် YouTube© allroadsleadtochina.com
တရုတ်နိုင်ငံသည် YouTube ဗီဒီယိုများ ပြည်တွင်းတွင်
ကြည့်ရှုရန် ခွင့်မပြု တော့ကြောင်း သိရှိရသည်။ Google က တရုတ်
အာဏာပိုင်များ သည် Google ပိုင် နာမည်ကြီး Video Sharing ၀က်ဘ်ဆိုက် အား
ပိတ်ပစ် လိုက်ပြီ ဖြစ်ကြောင်း ကြေညာသည်။
ထို့အပြင် တရုတ် အစိုးရ အနေနှင့် မည်သည့်
အကြောင်းပြချက်ဖြင့် ယခုလို ပိတ်ဆို့ခြင်း ဆိုသည်ကို သဘောမပေါက်
ကြောင်းလည်း Google ၏ ပြောရေး ဆိုခွင့်ရပုဂ္ဂိုလ် စကော့ရူဘင် က
ဝန်ခံခဲ့သည်။ မတ်လ(၂၄)ရက်နေ့ မနက်ပိုင်းမှစပြီး YouTube ကို
တရုတ်အာဏာပိုင်များက ပိတ်ပစ်ခဲ့ခြင်းဖြစ်သည်။ ထိုနေ့ မတိုင်မီကတည်းက
YouTube ကို တရုတ်နိုင်ငံမှ ၀င်ရောက် ကြည့်ရှုသူများအနေနှင့်
နှေးကွေးလာမှုများ ကြုံခဲ့ရသည်။
တရုတ်နိုင်ငံရေး အကဲခတ်များကမူ မတ်လအတွင်း ကျရောက်မည့်
တိဘက်ဒေသ လူ့အခွင့်အရေး ဆန္ဒပြသူများကို တရုတ် အစိုးရ က နှိမ်နင်းခဲ့သည့်
တစ်နှစ်မြောက် နှစ်ပတ်လည်နေ့ တွင် ထိုအချိန်က ရိုက်ကူးခဲ့သည့် ဗီဒီယို
File များကို YouTube တွင် ပြန်တင်မည်ကို စိုးရိမ်သဖြင့် ဖြစ်နိုင်ကြောင်း
သုံးသပ်နေကြသည်။ Google ကမူ ၎င်းတို့၏ Service ကို တရုတ်ပြည်သူများ
ပြန်လည်ရရှိအောင် ကြိုးစားဆောင်ရွက်နေကြောင်း ကြေညာထားသည်။
| 
